طريقة تفصيل قندورة عنابية بالتفصيل خطوة بخطوة
سيتم تفصيل قندورة عنابية بالتفصيل خطوة بخطوة وبطريقة سهلة وبسيطة , اليك كيفية تفصيل قندورة عنابية بالصور خطوة بخطوة.
مانحتاجه لتفصيل قندورة عنابية بالتفصيل خطوة بخطوة:
قماش ساتان - قالون مغربي حر نحتاج نوعين - باترون .
كيفية تفصيل قندورة عنابية بالصور خطوة بخطوة:
الفكره قبل ما نتطرق للقماش هي انك طبقي قماشك على اثنين بحيث الامام يكون مجمول و الخلف مفتوح و الهدف من العمليه العكسيه لي كروازينا بيها لقماش انه نستغل قماش لدينا ونعرض فيه و هنا الكثير يتسائل لماذا تكون قصه في الظهر كيما ترين,بحيث استطعنا نعرض في الروبه (فستان) من تحت عكس كون فصلنا بالطريقه العاديه.
كيما راكم تشوفو تحصلنا على عرض كافي و ما رميناش ولا طرف من لقماش.
الآن ننتقل للقماش. قبل ما تطبقي قماش على اثنين ,اتركي قطعه بسمك 25 سم ,نفصل منها لي مونش (الاكمام) والسجاف تاعنا قبل ما تفصلي وجدي قياساتك و ما تنسايش الزيادات. و لازم توخذي بعين الاعتبار البنسات لي راح نديروهم لازم تزيدي حقهم.
حنا حبينا نديرو ديكوب في الصدر من الامام مالا لازم علينا نديرو حسابها باش ما نفسدش فصالتي زدت واحد و نص في عرض الكتف و هبطت بواحد و نص في فتحة الذراع للتنبيه انا هبطت في فتحة الذراع من الخلف و الامام 23سم.
نبداو نطراسيو باترون الامام بالموازاة المعكوسه نفصلو الخلف القياسات ماراهمش. قاعده لي لازم تبعوها انتم حرين. حتى في شكل الرقبه الطول القصات البنسات انا حطيت قياسات عامه و تقريبيه لاصحاب لاطاي 40/44.
في الظهر بروفيتيت في فتحة الظهر لي عندي و درت بنسه في الظهر عرضها عند لاطاي ثلاثه سم كملو المراحل باش ما تتخلطلكمش.
مداما راح نخدمو بنسه و ديكوب لازم نشرحو كيفاش تحققيهم و باش تحدد نقطة الانطلاق لازم تقيسي دورة ليمونشير بالميطره واقفه بهاذ الشكل و القيمه لي لقيتيهاتقسميها على زوج و تحددي النقطه تاعك.
باش نكملو نطراسيو لاديكوب تاع الصدر.نحددو بنسات لاطاي. كاين لي تقولي كيفاش نلقاهم. اوكي نتي تحسبي المسافه بين الثديين و تقسميها على اثنين انا في المثال تاعي لقيت 11سم اذن بعدت من حافة وسط الصدر ب 11 سم و حددت النقاط في خط الصدر و الخصر و لاطاي نروحو نطراسيو بنسة الامام تهبطي من خط الصدر ب ثلاثه سم (انا حددتو كي هبطت ب23 سم تاع فتحة الذراع) و من خط الصدر للخصر هبطت ب 20 سم طول البنسه حسب خشانة مولات القندوره اذا كانت سمين جي قصيره و اذا كانت رقيقه جي طويله المهم ما تلحقش لخط الحوض و عرض البسنه ثلاثه سم.
نقطعو مسار البنسه كيما سبق و قلت لازم تزيدو حساب البنسات سينون تذياق عليكم الروبه.
و هاذو قدامنا الامام و الخلف نروحو نفصلو السجاف و لي مونش.
هذا هو المودال. ميش شرط نتي ديري لي بانس و ميش لازم نفس القالون.
تعليقات
إرسال تعليق
تذكّر قول الله عز وجل { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18.