القائمة الرئيسية

الصفحات

كيفية خياطة القندورة العنابية بالصور خطوة بخطوة

طريقة خياطة قندورة العنابية بالصور خطوة بخطوة مع الشرح

اليك تكملة الدرس السابق لطريقة خياطة القندورة العنابية بالصور خطوة بخطوة,بحيث في الدرس السابق قمنا بشرح طريقة التفصيل ودرسنا اليوم لطريقة الخياطة,اليك كيفية خياطة القندورة العنابية بالصور خطوة بخطوة

مانحتاجه لخياطة القندورة العنابية:

قماش - ماكينة خياطة - دبابيس - فازلين خياطة - قالون مغربي حر.

كيفية خياطة القندورة العنابية بالصور مع الشرح:

 نحطو الرقبه تاعنا تاع الامام و نفصلو عليها السجاف و نفس الشي مع تاع الخلف بعد ما نلصقوه ما تنساوش الظهر كان مقسوم على ثنين.
 هذا هو شكل السجافات لي عندنا لكبير تاع الامام و الصغير تاع الخلف.
 المونش. مافيه ولااا شي طبقي لقماش على اربعه. و كيلي عشرين طول على عشرين عرض لي ماعندهاش ميطره قولي شبر على شبر.
 هنا قصيناه توجور عن التقطاع ما تنساوش حق لخياطه واحد سم.
 هنا حليتهم باش يبانولكم ملييييح.
 وهنا ركبتلهم الفيزليين. و انا حبيت نكرونتيهم في النص و اكيد الفيزلين نركبوها في الرقبه ثاني من قدام و من خلف.
 نبداو لخياطه. اول شي. نجملو لي بانس من تحت و نطلعو بلاما تشبحو اي جهة خيطو نورمال. و هنا تكتاشفو وعلاش زدنا الواحد و نص تاع لكتف و الابط شفتو الديكالاج هذا بعد التركاب تقدرو تتخلصو منو و هكذا يرجع قيس الكتف الامام و الخلف كيف كيف.
 و على الجيهتين نفس الشي. كاين لي تقول لوكان ما زدناهمش اتاكدي كون خدمنا بقياساتنا و قطعنا البانس غير نخيطوه. تلقاو فتحة الذراع تاعنا تنقص في الطول و العرض و هنا تفسد فصالتنا علابالي صحاب البريتابورتي يحبس راسهم في استنتاجاتي و حساباتي! واش ندير. لازم نبسط على قدما نقدر.
 بعدما نركبو السجاف نكرونتيو الحاشيه. باش كي نقلبو الرقبه جينا شاااابه.
 نسرفل السجاف و لي بانس الامام و الخلف انا نحب نرقد لخياطه من داخل شوفي التصويره تفهمي. هاذ العفسه تستعمليها كي تكون الرقبه مافيهاش قالون ما نحبش لخياطه تكون على برا ديرونجيني .
 نبداو نركبو القالون لازم تتعاملي بلطف مع القالون. 🤗امشي غير بالشوي عندكي. تشبحيه و خصوصا في الدورات.
 تطراسي الطريق لي تمشي عليها بالقالون.
 الزاويه لازم تتحكمي في الحافه و اوزنيها قدقد ما تعوجيهاش.
 هاذي الطريق الأولى تاع القالون.
 نكملو الطريق الثانيه و لازم تعدلي القالون اذا راخ ديري هاذ النوع باش جي متناسق و اسيميتريك.
 نعاودو لخياطه على الحاشيه و نثبتوها. ملييح
 نروحو نركبو القالون في المونش نديرو خياطه لبرا و نحطو القالون فوق الكفه باش نغطيوها و جي خياطه نظيفه.
 نثبتو لخياطه مرتين.
 ونفس الشي مع المونش الثاني.
 نحطو صدر و ظهر القندوره بهاذ الطريقه و لاحظي كيفاش حطيت السجاف و نخيط لكتاف ونقطع الزاويه لي عند الرقبه على الجيهتين من داخل و نسرفل و نقلب كلشي جي خياطه توووب.
 نروحو نركبو لمناشات.و في نفس الوقت نديرو نقشات في راس الكتف.
 انا خليت. تحت الطابق. قيمة 9 سم و بديت تركاب المونش و بعد ما جملت الجيهتين الامام و الخلف. و كففت الطابق وكرونتيت تحتو جوست باش القندوره ماجيش مشنقه.
 لي شيت لي بقاو خدمت منهم دوبلير لليزيبولات ( لازم تستغلي القماش لاخر نفس ) .
 خيطتهم و سرفلت حاشيتهم.
 و ركبتهم في لكتاف من داخل.
و اخر خطوه. ركبت الزويتنات و كفيتها 
كاين لي حبو يعرفو الكفه كيفاش جينا متحوفه. انا نسرفلها و نبدا نكفف من الظهر للكوتي و من الامام للكوتي كفه وحده بنقشات خفاااااف دخلاني. جيهة الانحنائات 
و حددتها مليح.

تعليقات

تعليق واحد
إرسال تعليق
  1. غير معرف11/28/2016

    جزاك االله
    ه خيرا لكن انا هاوية فقط ممكن تحطي المقاسات وكم متر قماش بووووركتي

    ردحذف

إرسال تعليق

تذكّر قول الله عز وجل { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18.